Киир

Киир

Анастасия Диодорова, 2008 с. Паралимпиада үрүҥ көмүс призера, успуорт эйгэтигэр карьератын түмүктүүрүн туһунан биллэрдэ уонна тириэньэрдэригэр, идэлээх үлэһиттэргэ, дьиэ кэргэнигэр, чугас дьонугар уонна доҕотторугар өйөбүллэрин иһин махтанна.

 “Бу быһаарыыныы миэхэ судургута суох буолла. Карьерабын баҕарбыт кыһыл көмүһэ суох түмүктүүрүм ыарахан”, – диэн кини соцситимигэр суруйар.

33 саастаах Анастасия Диодорова спортивнай карьератын 2003 с. саҕалаабыта уонна үктэнэр-хамсанар аппарааттарыгар эчэйиилээх спортсменнарга Пекиннээҕи паралимпиада үрүҥ көмүс призера, Европа уонна Аан дойду чөмпүйүөнэ, РФ успуордун үтүөлээх маастара ааты ылары ситиспитэ.

“Үтүө өйдөбүллэр, кыайыылар уонна хотторуулар, холооно суох уопут, үөрүү, дьол-соргу иһин махтанабын. Мантыката суох мин билиҥҥим курдук буолуом суох этэ! Хас биирдиигит өйөбүлүн уонна тапталын иһин истиҥник махтанабын. Миэхэ бу инним хоту барарбар күүс буолар”, – диэн эбэн этэр.

Бу иннинэ “Якутия 24” ханаал Анастасия Диодорова сайыҥҥы “Азия оҕолоругар” кыттыан сөбүн туһунан иһитиннэрбитэ. Спортсмен Ил Дарханныын көрсүһүүтүгэр карьератын түмүктүүр түһүмэххэ сылдьарын, ол эрээри успуорт эйгэтиттэн барбатын туһунан эппитэ.

Якутия24

Санааҕын суруй

Бүтэһик сонуннар