Киир

Киир

Саха сирин 2024 сыллааҕы биир кэлим тосхолугар 600 тахса успуорт тэрээһинэ киирбит. Олортон ордук суолталааҕынан VIII Норуоттар икки ардыларынааҕы сайыҥҥы "Азия оҕолоро" успуорт оонньуулара буолуохтара. Ол туһунан өрөспүүбүлүкэ физическэй култууратын уонна успуордун үлэһиттэрин сийиэһин чэрчитинэн ыытыллыбыт мунньахха  иһитиннэрдилэр.

Ил Түмэн иһитиннэриитинэн, өрөспүүбүлүкэҕэ успуорт 102 көрүҥэ сайдар, аккредитациялаах 65 успуорт федерацията үлэлиир. Кэнники биэс сыл устатыгар араас судаарыстыбаннай тосхол иитинэн 32 успуорт эбийиэгэ аһылынна. Мас-рестлины аан дойду таһымыгар таһаарарга мас-рестлинг аан дойдутааҕы киинэ төрүттэннэ. Бары 36 муниципальнай тэриллиигэ уонна куорат уокуруктарыгар бүтү арассыыйатааҕы физкультура-успуорт "Готов к труду и обороне" (ГТО) комплексын тургутар 42 киин тэрилиннэ. 2015 сылтан 2023 сылга диэри 20,9 тыһ. тахса ГТО комплексын туйгун бэлиэтэ туттарылынна.

"Азия оҕолоро" оонньуулар Дьокуускайга бэс ыйын 25 күнүттэн от ыйын 7 ыытыллыахтара. Манна 3 тыһ. кэриҥэ, ол иһигэр – 1,3 тыһ. тахса тас дойдуттан, эдэр кыттааччы кэлэн кыттара күүтүллэр. Күрэхтэһиилэри 770, ол иһигэр – атын куораттартан  460, судьуйа сыаналыаҕа. 20 хайысханан 1900 волонтер үлэлиэҕэ. Успуорт 24 көрүҥүнэн барыта 224 мэтээл кэмпилиэгин оонньотуохтара.

Сонун төрдө: Ил Түмэн пресс-сулууспата

Санааҕын суруй

Бүтэһик сонуннар