Успуорт арбитражнай суута (CAS) Арассыыйа биллиилээх фигуристкатын, 17 саастаах Камила Валиеваны түөрт сылга улахан успуортан туоратта. 2022 сыллаахха Пекин олимпиадатыгар кини хааныгар триметазидин диэн (cүрэх ишемиятын эмтииргэ туттуллар) бобуулаах препараты булбуттара. Онтон сылтаан, ситиһиилээх фигуристка икки сылы быһа «иннэ-кэннэ» биллибэккэ сырытта.
Дьиссипилиинэ тутулуга суох кэмитиэтэ ааспыт сылга Валиеваны төһө эмэ буруйа суоҕунан аахпытын үрдүнэн, успуорт арбитражнай суута фигуристкаҕа тыйыс быһаарыыны таһаарда уонна кини 2021 сыл ахсынньы 25 күнүттэн саҕалаан ылбыт кыайыыларын барытын соторго быһаарда.
Онон, кини оннугар 2022 сылга РФ чөмпүйүөнүнэн Александра Трусова, оттон Европа чөмпүйүөнүнэн года Анна Щербакова буолуохтара. Ону таһынан атын титулларын эмиэ былдьыахтара:
- Арассыыйа Гран-притын I түһүмэҕин кыһыл көмүһэ (2022/2023);
- Арассыыйа Гран-притын III түһүмэҕин кыһыл көмүһэ (2022/2023);
- Арассыыйа ыстаныыга чөмпүйүөнэ (2023);
- Арассыыйа чөмпүйэнээтин үрүҥ көмүһэ (2023);
- Арассыыйа Гран-притын финалын үрүҥ көмүһэ (2022/2023);
- Арассыыйа Гран-притын VI түһүмэҕин кыһыл көмүһэ (2023/2024);
- Арассыыйа чөмпүйэнээтин бронзата (2024).
Камила Валиева бу кыайыылары ситиһээри төһөлөөх элбэх хара көлөһүнүн тохпута буолуой?
