II-c Норуоттар икки ардыларынааҕы «Приморье оҕолоро» кыһыҥҥы оонньуулар олунньу 18 күнүгэр Владивосток куоракка саҕаланнылар. Манна Саха сириттэн 6 көрүҥҥэ: хоккей, фиджитал-хоккейга, шорт-треккэ, фигурнай хаҥкыга, хайыһарынан сүүрүүгэ уонна хайа хайыһарыгар 28 эдэр спортсмен кыттыаҕа.
«Оҕолор көҥүл биэрэр мэдиссиинэ хамыыһыйатын ааһан бүтэн эрэллэр. Бары дьоһумсуйан сылдьаллар. Сарсын мууска тахсан Кытайы кытта оонньуохтара», – диэн Саха сирин хомуур хамаандатын бэрэстэбиитэлэ Максим Скупой кэпсээтэ. «Наһаа долгуйабыт, ол эрээри кыайыахпыт дии саныыбын», – диир фигурнай хаҥкыга хомуур хамаанда чилиэнэ Карина Зайцева.
Спортсменнар барыта спорт аҕыс көрүҥүнэн 31 наҕараада кэмпилиэгин былдьаһыахтара. Оонньуулары ТВ нөҥүө уонна куйаар ситиминэн көрдөрүөхтэрэ. «Приморье оҕолоро» кыһыҥҥы оонньуулар Уһук Илиҥҥи федеральнай уокурук боломуочунай бэрэстэбиитэлэ Юрий Трутнев өйөбүлүнэн ыытыллар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
