Бүгүн, бэс ыйын 24 күнүгэр, Дьокуускайга Азербайджан өрөспүүбүлүкэтин сүүмэрдэммит хамаандатын бастакы бөлөҕө көтөн кэллэ. Оонньуу кыттыылаахтарын Спортсменнар бөһүөлэктэригэр түһэрдилэр.
“Азия оҕолоругар” Азербайджантан барыта 16 көрүҥҥэ 80 эдэр спортсмен кыттыахтаах. Кинилэр эрэ иннилэринэ Саха сиригэр Кыргыстаан, Таджикистан, Лаос, Казахстан, Сирия, о.д.а. дойдулар бэрэстэбиитэллэрэ кэлбиттэрэ.
Санаттахха, “Азия Оҕолоро” норуоттар икки ардыларынааҕы VIII оонньуу арыллыыта бэс ыйын 26 күнүгэр киэһэ 19:00 чаастан “Туймаада” стадиоҥҥа буолуоҕа. Үс чаас устата дэлэгээссийэлэр, кыттар дойдулар парааттарын, арыллыы сиэрин-туомун, тыйаатырдыы дьүһүйүүнү, артыыстар ырыаларын-тойуктарын көрүөхпүт-истиэхпит.
СӨ Ил Дарханын уонна бырабыыталыстыбатын пресс-сулууспата.
