Балаҕан ыйын 11 күнүгэр Астана куоракка буола турар Аан дойдутааҕы Көс омуктар оонньууларыгар «Бес астык» остуол күрэҕэр Арассыыйа дьахталларын сүүмэрдэммит хамаандата иккис миэстэни ылла.
Манна биир дойдулаахтарбыт Аделина Потапова, Ольга Коротких, Кристина Терентьева уонна Вероника Иванова кытыннылар. Арассыыйа хамаандатыгар 26 регионтан 203 спортсмен киирэр.
Күрэх бастакы күнүгэр биһиги хамаандабыт Монголия хамаандатын 3:0 счеттаах кыайда. Иккис турга – 3:0 счеттаах Чехия хамаандатын, үһүс турга 3:0 счеттаах – Турция хамаандатын кыайда. Иккис күнүгэр биир дойдулаахтарбыт Казахстан хамаандатыгар кыайтаран иккис миэстэни ыллылар.
Эһиилги VI Аан дойдутааҕы Көс омуктар оонньуулара төрүттэммит сиригэр – Кыргыстааҥҥа буолуоҕа. Оонньуулар манна үс төгүл ыытыллыбыттара. Ол кэннэ Турцияҕа буолбута, оттон быйыл – Казахстаҥҥа.
Сонун төрдө: АГИКИ медиа-сулууспата
