Сахаттан бастакы олимпийскэй чөмпүйүөн Романа Дмитриев төрөөбүтэ 75 сылыгар анаан кини олоҕун уонна дьарыгын туһунан уус-уран киинэни уһулаллар. Ол туһунан чулуу спортсмен аатын үйэтитиини тэрийэр кэмитиэт бэрэссэдээтэлэ, вице-премьер Сергей Местников иһитиннэрдэ.
Кини уһулар бөлөх спортсмен оҕо уонна эдэр кэминээҕи эпизодтарын Эдьигээҥҥэ уонна Чурапчыга тиийэн уһулан бүппүттүн кэпсээтэ. Саҥа Дьыл кэннэ салгыы Москубаҕа тиийэн уһулуохтара. Киинэни Ил Дархан дьаһалынан торумнаммыт үбүлүөйдээх тэрээһин иитинэн уһулаллар.
Маны таһынан, Роман Дмитриев туһунан «Наука побеждать» кинигэни 2500 ахсаанынан уонна хаартыска олбуомун 1500 ахсаанынан «Айар» национальнай кинигэ кыһата таһаарда.
Сонун төрдө: СӨ Бырабыыталыстыбатын уонна Ил Дарханын пресс-сулууспата
