Бүгүн ахсынньы 14 күнүгэр Дьокуускай «Триумф» успуорт киинигэр буолаары турар «Вызов Севера» идэлээх буокса киэһэтин тэрийээччилэрин уонна кыттыылаахтарын кытта иккис пресс-кэмпириэнсийэ буолан ааста. Тэрийээччилэр буокса киэһэтигэр икки титул – Содружество чөмпүйүөнүн уонна Арассыыйа чөмпүйүөнүн Silver (үрүҥ көмүс) курдара оонньоноллорун киэн тутта кэпсээтилэр.
Тэрээһиҥҥэ «Сахапрофбокс» ХЭТ дириэктэрэ Николай Дьячковский, матчмейкер Сергей Созонов, Саха сирин чулуу буоксаһыттара Василий Егоров, Михаил Варламов уонна Новосибирскайтан Шахриёр Ахмедов кытыннылар. Кинилэргэ тас дойду успуордун чулуулара Джевен Вэлласит уонна Касим Салех кыттыстылар. Бу турнир норуоттар икки ардыларынааҕы ыстаатыстааҕын чиҥэтэр.
Николай Дьячковский маннык турнир бастакытын ыытылларын, онон Саха сирин успуордун устуоруйатыгар улахан суолталааҕын, эдэр буоксаһыттарга саҥа суолу арыйарын тоһоҕолоото. Сергей Созонов «Вызов Севера» буокса киэһэтэ тыҥааһыннаах уонна ураты буолуоҕа диэн мэктиэлээтэ. Василий Егоров бу турнирга кыттан баран улахан успуортан барарын биллэрдэ. Кини карьератын төрөөбүт дойдутугар саҕалаабытын уонна манна түмүктүүр санаалааҕын эттэ.
Сонун төрдө: Дьокуускай куорат уокуруктааҕы дьаһалтата
