«Модун» успуорт комплексыгар Саха сирин остуол оонньууларын федерациятын төрүттээччи Андрей Донской кэриэһигэр саха төрүт хабылык уонна хаамыска оонньууларыгар чөмпүйэнээтэ буолан ааста.
Тэрээһиҥҥэ 182 киһи 24 хамаандаҕа арахсан кытыннылар. Кыайыылаахтар уонна бириистээхтэр Таатта улууһун Ытык Күөл сэлиэнньэтигэр Манчаары оонньууларыгар кытта барыахтара. Барыта 80 путевка оонньонно.
Турнир түөрт көрүҥүнэн: хабылыкка, 5 тоҥсуурдаах хаамыскаҕа, 7 тоҥсуурдаах хаамыскаҕа уонна умсаахха ыытылынна. Федерация уопсай түмүгү таһаарарын күүтэбит.
Сонун төрдө: СӨ Бырабыыталыстыбатын уонна Ил Дарханын пресс-сулууспата
