Олунньу 15-16 күннэригэр Уус Алдан улууһун, Бороҕон нэһилиэгэр үгэс буолбут көҥүл тустууга – ССРС, хапсаҕайга – Саха АССР, хурешка – РСФСР успуордун маастара Иннокентий Андреевич Халдеев кэриэһигэр өрөспүүбүлүкэтээҕи турнир 26-с төгүлүн ыытылынна.
Икки күн устата өрөспүүбүлүкэ араас муннуктарыттан 23 хамаанда, 270 кыттааччы күөн көрүстүлэр. Манчаары оонньууларыгар кыттар ыйааһыннарынан уолаттар, эр дьон уонна бэтэрээннэр күөн былдьастылар.
Абсолютнай хапсыһыыларга түөрт Аар Дархан аата аттанна:Уолаттарга – Игорь Тарасов;Бэтэрээннэргэ – Платон Саввинов;Эр дьоҥҥо (75 киилэҕэ диэри) – Иван Семенов;Эр дьоҥҥо (95 киилэҕэ диэри) – Евгений Алексеев.
Хаартыска: Уус Алдан “Мүрү саһарҕата” телеграм-ханаалыттан
Татьяна Жанчикова
