Айсен Николаев Ил Дархан аатыттан Европа чөмпүйүөнэ Лева Павловка 600 тыһ. солк. уонна Көҥүл тустуу федерациятын аатыттан 150 тыһ. солк. сэртипикээттэри туттарда. Эдэр тустуук соторутааҕыта Албанияттан Европа U-23 первенствотыгар көмүс мэтээли ылан кэлбитэ. Ил Дархан уолга саха чулуу тустууктарын албан ааттарын салгыырыгар эрэнэрин биллэрдэ.
Маны сэргэ, Лев Павлов уһуйааччыта, Сунтаар успуорт оскуолатын тириэньэрэ Николай Даниловка 337,5 тыһ. солк. сууммалаах сэртипикээттэри туттардылар. Кини үөрэнээччитэ былырыын 21 диэри саастаахтарга Европа первенствотыгар, оттон быйыл 24 диэри саастаахтарга кыайыыны ситиһэн Саха сирин олохтоохторугар улахан үөрүүнү, киэн туттууну аҕалбытын тоһоҕолоото уонна Айсен Сергеевич кинилэри сирэй көрсөн эҕэрдэлээбитин иһин махтанна.
Лев Павлов – Арассыыйа успуордун көҥүл тустууга маастара, Арассыыйа уонна өрөспүүбүлүкэ сүүмэрдэммит хамаандатын чилиэнэ, Европа икки төгүллээх чөмпүйүөнэ (2024, 2025), аан дойду первенствотын үрүҥ көмүстээх призера (2024), РФ 21 диэри саастаах юниордарга икки төгүллээх чөмпүйөнэ (2023, 2024), РФ улахан дьоҥҥо үрүҥ көмүстээх призера (2024),
РФ 21 диэри саастаах юниордарыгар үрүҥ көмүстээх чөмпүйүөнэ.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: Андрей Сорокин, СИА
