Бэс ыйын 28 күнүттэн от ыйын 4 күнүгэр диэри Н.Тарскай аат. “Туймаада” стадиоҥҥа Арассыыйа оҕунан ытыыга чөмүйэнээтэ буолуоҕа. Дойду 24 эрэгийиэниттэн 189 кыттааччы кэлиэҕэ.
Чөмпүйэнээккэ Забайкальеттан, Иркутскайтан, Кемеровоттан, Краснодартан, Красноярскайтан, Москубаттан, Новосибирскайтан, Приморьеттан, Псковтан, Башкортостантан, Бүрээтийэттэн, Дагестантан, Тываттан, Ростовтан, Санкт-Петербуртан, Свердловскайтан, Тулаттан, Хабаровскайтан, Ханты-Манси, Ямал-Ненец автономиялаах уокуруктарыттан, Чувашияттан, Ярославскай уобаластан кэлэллэрэ былааннанар.
Хамаандалар уонна судьуйалар 8 эбийиэгинэн түһэн сытыахтара. Ыалдьыттары арыаллыырга уонна атын үлэҕэ “Патриот” ыччат киинин уонна СӨ Оҕунан ытыыга федерациятын үтүө көмөһүттэрэ үлэлиэхтэрэ.
Тэрээһини “Матч ТВ” ханаал устар бөлөҕө кэлэн сырдатыаҕа. Түмүктүүр тэрээһини “Саха” НКИХ быһа эфиргэ көрдөрүөҕэ.
