Атырдьах ыйын 27 күнүттэн Саранск куоракка эр дьоҥҥо буоксаҕа Арассыыйа чөмпүйэнээтэ саҕалаары турар. Бу күрэхтэһии бирииһин пуондата – 26 мөл. солк.
Чөмпүйэнээт атырдьах ыйын 27 күнүттэн балаҕан ыйын 4 күнүгэр диэри ыытыллыаҕа. Күрэхтэһиигэ 300-чэкэ боксуор дойду 60 эрэгийиэниттэн кэлбитэ биллэр. Бирииһин пуондата – 26 мөл. солк. тэҥнэһэр. Муҥур кыайыылаахтар 1,5 мөл. солк., үрүҥ көмүс иһин – 250 тыһ. солк., боруонса иһин – 125 тыһ. солк. уу харчынан наҕараадаланыахтара. Тэрээһин «Огарёв Арена» диэн успуорт аныгы уораҕайыгар буолуоҕа.
Чөмпүйэнээти «Матч ТВ» уонна «Матч! Боец» диэн федеральнай ханаалларга көрдөрүөхтэрэ.
Kyym.ru.
Хаартыска: https://sportyakutia.ru/
