Бэҕэһээ Олимпиадаҕа Арассыыйаттан керлиҥҥэ кыттар Александр Крушельницкай мельдонийы туттубута биллибитэ. Инньэ гынан, киниэхэ Спорт арбитраж суута (CAS) допинг быраабылатын кэспитин иһин дьыала тэрийдэ. Санатар буоллахха, Пхенчхаҥҥа Крушельницкай Анастасия Брызгалованы кытары дабл-микска боруонса мэтээли ылбыттара.
CAS спортсмен инники дьылҕатын быһаарыаҕа: мэтээли былдьыыр, спортсмены утары туох сааҥсыйата ылылларын.
Мельдоний диэн тугуй?
Мелдьоний сүрэх уонна диабет ыарыыларын эмтииргэ туһаныллар. Бу эми Латвияҕа оҥороллор уонна Илиҥҥи Европаҕа киэҥник туһаналлар. Мельдонийы АХШга туһанары биһирээбэттэр. Мельдоний стенокардия, кардиомиопатия уо.д.а. сүрэх ыарыыларыгар киэҥник туһаныллар.
2016 сыллаахха Мария Шарапованы допиҥҥа бэрэбиэркэлээн баран, 15 ый устата мельдонийы иһэрин боппуттара. Өр кэмнээх мөккүөр кэннэ, Допины утарар бүтүн аан дойдутааҕы ааҕыныстыба 2016 сыл тохсунньутуттан бобуулаах препараттар испииһэктэригэр мельдонийы киллэрбитэ. Бу эмп киһи этэ-сиинэ тулуурдаах буоларыгар көмөлөһөр уонна күүс-уох баранарын кэмчилиир.
1980-с сс. Афганистан үрдүк хайаларыгар сэриилэһэ сылдьар сэбиэскэй саллааттар тулуурдарын күүһүрдээри мелдьонийы туһаммыттара.
