Хоккейга Саха сирин хамаандатын чилиэнэ, Нерюнгриттан төрүттээх Иван Чаишвили буллитка сатабылын иһин үрүҥ көмүс мэтээлинэн наҕараадаланна.
Кыһыл көмүс мэтээли Сибиирдээҕи федеральнай уокурук хамаандатыттан Николай Хворов, оттон боруонсаны Казахстантан Алдияр Нурлан ыллылар.
Онон, Саха сирин хамаандата “Азия оҕолоро” бастакы кыһыҥҥы оонньууларга, билиҥҥи туругунан икки үрүҥ көмүс мэтээллээх иһэр. Бастакы мэтээли биатлонист Николай Максимов аҕалбыта. Хомойуох иһин, хоккейга Саха сирин хамаандата “плей-офф” киирбэтэ. Туркменистан хамаандатын 17:2 ахсаанынан хоппуттара. Ураллааҕы федеральнай уокурук хамаандатыгар 0:23 уонна Казахстан хамаандатыгар 1:18 ахсаанынан хотторон күрэхтэһииттэн туораатылар.
