Аҕа дойдуну көмүскээччилэр күннэринэн Уус-Алдан улууһун полицейскайдара волейболга турнир ыыттылар.
Күрэхтэһиигэ биэс хамаанда кыттыыны ылла. “Биһиги отделбытыгар чөл олоҕу, успуорду өйүүр уонна тарҕатар элбэх үлэһиттэр бааллар. Ол иһин, маннык күрэхтэһиилэргэ олус көхтөөхтүк кытталлар. Биһиги Мындааба оскуолатын дириэктэригэр Михаил Семёнович Бурнашёвка уонна үлэһиттэргэ улахан махталбытын тиэрдэбит. Күрэхтэһиибит Мындааба орто оскуолатын саалатыгар үрдүк таһымнаахтык буолан ааста”, – диэн ОМВД кадровай үлэҕэ начальник көмөлөһөөччүтэ, подполковник Нюргуяна Фёдорова кэпсиир. Күрэхтэһии түмүгүнэн турнир кубогын хаһаайыттарынан ОГИБДД хамаандата буолла.
