Муус устар 1-7 күннэригэр Дьокуускайга, хотугу многоборьеҕа бастыыр иһин күрэхтэһии уонна чемпионат ыытыллыа. Манна дойду араас эрэгийиэннэриттэн бастыҥ спортсменнар күөн көрсүөхтэрэ.
Күрэхтэһии “Модун” успуорт киинигэр уонна Күөх ходуһаҕа (Зеленый луг) буолуоҕа. Спортсменнар сүгэни ыраах быраҕыыга, наарта нөҥүө ыстаныыга уо.д.а. көрүҥнэргэ күрэхтэһиэхтэрэ.
Хас биирдии хамаандаттан алта эр киһи уонна биэс дьахтар кыттыахтара. Биэс дьиссипилиинэнэн ордук аҕыйах очукуону ылбыт спортсмен кыайыылаах тахсыа.
