Чурапчытааҕы физкултуура уонна успуорт институтун устудьуона, 19 саастаах Айсен Ботуев “Дыгын оонньууларын” сүүмэрдиир бастакы түһүмэҕин кыайыылааҕынан буолла.
Ол туһунан Айсен социальнай ситимҥэ маннык суруйар: “Дыгын оонньууларыгар сүүмэрдээһин түмүктэннэ. Бу күүстээх дьарык, үлэ түмүгэ буолар. Улахан махталбын тренердэрбэр, төрөппүттэрбэр, доҕотторбор уонна көрөөччүлэргэ тиэрдиэхпин баҕарабын. Өссө күүстээх дьарык күүтэр”.
Былырыын Айсен Ботуев үһүс миэстэни ылбыта. Тутум эргииригэр 66 төгүл эргийэн рекорд олохтообута. Оннук гынан күүстээх утарылаһааччытыгар Егор Филипповка кутталы үөскэппитэ.
Туймаада ыһыаҕар “Дыгын оонньууларыгар” Саха сирин 12 күүстээх бөҕөһө күөн көрсүөхтэрэ. “Yс төгүл үс”, “Тутум эргиир”, “Мас тардыhыы”, ону таһынан, оҕунан ытыыга, 400 м сүүрүүгэ, хапсаҕайга уонна тааһы көтөҕүүгэ күрэстэһиэхтэрэ.
