Бу өрөбүллэргэ (муус устар 27-28 күннэригэр) Чувашия киин куората Чебоксарга мас тардыһыытыгар Арассыыйа чөмпүйэнээтэ ыытыллаары турар
Ити күрэхтэһиигэ Саха сириттэн 22 мадьыны кыттыахтаах. Мадьынылар Роман Дмитриев кэриэһигэр Бүтүн Арассыыйатааҕы турнир, Саха сирин уонна Уһук Илин чөмпүйэнээтин түмүктэринэн сүүмэрдэннилэр. Кинилэр истэригэр ааспыт сылга Дьокуускайга ыытыллыбыт аан дойду чөмпүйэнээтин түөрт кыайыылааҕа баар: Сергей Константинов (Нам), Дмитрий Попов (Уус Алдан), Наталья Черноградская (Дьокуускай) уонна Саина Седалищева (Чурапчы).
Эр дьоҥҥо Саха сирин сүүмэрдэммит хамаандатын састааба: 60 кг – Василий Чемпин, Василий Андросов (иккиэн – Таатта улууһуттан); 70 кг – Сергей Константинов (Нам), Александр Пшенников (Өлүөхүмэ); 80 кг – Борис Степанов (Хаҥалас), Егор Гуляев (Кэбээйи); 90 кг – Данил Моисеев (Ньурба), Иннокентий Федоров (Ленскэй); 105 кг – Дмитрий Попов (Уус Алдан), Денис Слепцов (Дьокуускай); 125 кг – Эрчим Баппаҕай (Үөһээ Бүлүү); 125 кг үөһээ – Дьулустаан Андреев (Ньурба). Оттон өрөспүүбүлүкэ дьахталларга хамаандатын састаабыгар киирдилэр: 55 кг – Наталья Черноградская (Дьокуускай), Татьяна Дьячковская (Чурапчы), Алина Ларионова (Уус Алдан), Кэрэчээнэ Бродникова (Мэҥэ Хаҥалас); 65 кг – Екатерина Белолюбская (Уус Алдан), Яна Захарова (Үөһээ Бүлүү); 75 кг – Саина Седалищева (Чурапчы), Елена Евсеева (Нам); 85 кг – Юлия Михайлова (Ньурба), Ирина Христофорова (Амма).
Ыарахан ыйааһыҥҥа аан дойду чөмпүйүөнэ, Томпо боотура Сергей Фролкин эчэйиитин ситэ оһоруна илик буолан Чувашияҕа барбата. Оттон Уус Алдан мадьыныта, аан дойду үс төгүллээх чөмпүйүөнэ Павел Черноградскай сынньана түһэргэ санаммыт.
Федор РАХЛЕЕВ
