СӨ бырабыыталыстыбатын бэрэссэдээтэлэ Владимир Солодов успуорт кыһыҥҥы көрүҥнэригэр IV Спартакиаданы ыытар дьаһалга илии баттаата.
Спартакиада 2020 сылга кулун тутар 26-30 күннэригэр Алдан уонна Нерюнгри куораттарыгар ыытыллар. Премьер-миниистир балаһыанньаны уонна тэрийэр кэмитиэт састаабын бигэргэттэ.
Нерюнгри оройуонугар Саха сирин бастыҥ спортсменнара хоккейга, шорт-трекка, хайа хайыһарын успуордугар, сноубордка, хаҥкыга уонна хотугу үс көрүҥнээх күрэскэ (маамыктаны быраҕыыга, үс төгүл уонна наарта нөҥүө ыстаныыга) күөн көрсүөхтэрэ.
Оттон Алдан оройуонугар хайыһарынан сырсыыга, биатлоҥҥа, кыһыҥҥы многоборьеҕа күрэстэһиэхтэрэ. Спартакиада финалыгар муниципальнай тэриллиилэр уонна куорат уокуругун сүүмэрдэммит хамаандалара кыттыахтара. Кыһыҥҥы спартакиада төрдүс төгүлүн ыытыллыа.
