Ил Дархан бирииһигэр ат сүүрдүүтэ Туймаада ыһыаҕын түмүктүүр күрэстэһиитэ буолар. Сылын аайы үгүс көрөөччүнү түмэр.
Кэлэр сылтан ат сүүрдүүтүн кыайыылааҕа 5 мөл солк ылар буолуоҕа. Бу туһунан Ил Дархан Айсен Николаев иһитиннэрдэ. Билигин сүрүн бириис 1 мөл солк тэҥнэһэр. Быйылгы күрэс кыайыылааҕынан Чурапчылар буоллулар. Майн Кениг диэн сылгы тэҥнээҕин булбата. Жокей Анатолий Куличкин, оттон тренер Дмитрий Осипов буолаллар.
