Бүгүн, от ыйын 4 күнүгэр саха норуоттарын VII спортивнай оонньуулара чэпчэки атлетиканан саҕаланна. “Амма-Олимп” стадиоҥҥа 5000 м дистанцияҕа быһый кэрэ аҥаардар сүүрдүлэр.
Оонньуулар бастакы чемпионкатынан Арассыыйа үс төгүллээх чемпионката, Үөһээ Бүлүү хамаандатыттан Сардана Трофимова буолла. Кини көрдөрүүтэ 16.31,36, иккис Амма спорсменката Надежда Бут кэллэ, кини көрдөрүүтэ 16.58,86. Оттон үһүс бочуоттаах миэстэни Нам улууһуттан Изабелла Борисова ылла. Кини 9 сөкүүндэнэн 100 км Арассыыйа чемпионкатын Надежда Гоголеваны ситтэ.
Бу үс кыргыттар дьүөгэлиилэр эрэ буолбатах, кинилэр Арассыыйа үтүөлээх тренеригэр, норуоттар икки ардыларынааҕы кылаастаах успуорт маастарыгар Татьяна Юрьевна Жирковаҕа дьарыктаналлар.
Sportyakutia.ru
