От ыйын 12-14 күннэригэр Нам улууһун киинигэр, Намнааҕы милиция тэриллибитэ 100 сылынан, служебнай-прикладной уонна национальнай успуорт көрүҥнэригэр ис дьыала уорганнарын үлэһиттэрин Спартакиадата буолар.
Спартакиада успуорт 10 көрүҥэр ыытыллар: Калашников аптамаатынан уонна Макаров бистэлиэтинэн ытыы, хапсаҕай, мас-тардыһыыта, эстафета, чэпчэки атлетикаҕа эстафета, саахымат, ыстаныы, ханаат тардыһыыта, волейбол, мини-футбол.
