Сахалартан бастакы UFC Аан дойду промоушенын байыаһа Григорий Попов Москубаҕа буолуохтаах иккис күрэхтэһиитин туһунан санаатын үллэһиннэ. Кини утарсааччыта Дэйви Грант буолар.
“Дэйви Гранты үчүгэйдик билбэппин. UFC-га 2013 сылтан баарын эрэ билэбин. Кини сүрүн көрүҥэ бокс уонна джиу-джитсу. UFC –га мөлтөх киһи диэн суох. Манна бэйэлэрин дойдуларыгар бастыҥнар киирэллэр”, — диэн Григорий кэпсиир.
Грант 33 саастаах, октагоҥҥа 14 тахсыбытыттан 4 хотторбут, 10 кыайбыт уонна 9 эрдэ кыайбыт. Оттон Григорий 2 хотторуулаах, 13 кыайыылаах уонна 7 эрдэ кыайбыт.
Күрэхтэһии Москуба куоракка сэтинньи 9 күнүгэр буолар. Бу Григория Попова UFC-га иккис күрэхтэһиитэ буолар. Аан бастаан АХШ Чикаго куоратыгар буолбут күрэхтэһиигэ Эдди Вайлендаҕа хотторбута.
“Хас да күн окко сырыттым. Олохтоох уолаттарга маастар-кылаас көрдөрдүм. Билигин докумуоннарбын ситиһэ сылдьабын. Таилаҥҥа сборга барыахтаахпын.Былаан быһыытынан атырдьах ыйыгар барыахтаах этим. Билигин Дьокуускайга бэлэмнэнэ сылдьабын, спонсор көрдүүбүн. UFC-га киирбиппэр миигин өйөөбүт дьоҥҥо улахан махталбын тиэрдэбин”, — диэн Григорий кэпсиир.
