Киир

Киир

Балаҕан ыйын 17 күнүгэр “Хапсаҕай бүтүн Арассыыйатааҕы федерацията” диэн уопсастыбаннай түмсүүнү тэрийэр туһунан мунньах буолан ааста. Бу туһунан “Спорт Якутии” саайтка суруйаллар.

В. Манчаары аатынан национальнай успуорт көрүҥнэрин өрөспүүбүлүкэтээҕи киинин исписэлииһэ Игорь Алексеев, федерацияны тэрийии сокуоннарын, аахталарын туһунан ымпыгын-чымпыгын иһитиннэрдэ.

Хапсаҕай Федерациятын чилиэнэ Андрей Яковлев Иркутскай уобаласка сырыытын туһунан кэпсээтэ. Бүрээттэр уонна Иркутскай уобалас спортсменнара хапсаҕайы олус интэриэһиргииллэрин уонна федерация тэриллиитигэр үлэлэһэргэ бэлэмнэрин эттэ. Кинилэр эһиил сыл аайы ыытыллар “Хаҥалас хапсаҕайа” өрөспүүбүлүкэтээҕи турнирга кыттаары былааннаналларын кэпсээтэ.

Хапсаҕай федерациятын Нерюнгри оройуонугар  Президенэ Роман Олейник кэпсээбитинэн, быйыл ХИФУ филиалыгар 10 сылга саал уларсыбыттар. Саал арыллыыта алтынньы ыйга буолар. Билигин оҕолорго уонна устудьуоннарга хапсаҕай секциятын арыйар туһунан былааннанар.

Мунньах түмүгүнэн хапсаҕай бүтүн Арассыыйатааҕы федерациятын тэрийии быһаарылынна. Түмсүү састаабыгар Тыва өрөспүүбүлүкэтин уонна Ставропольскай кыраайы киллэрии бигэргэтилиннэ. Кэлэр ый саҥатыгар тэрийэр конференция ыытыллар.


Тарҕат:

Санааҕын суруй