Дойду тэбэр сүрэҕэр Москубаҕа үгэскэ кубулуйбут сүүрүүгэ марафон буолан ааста. Манна 13 тыһ кэриҥэ сүүрүүк кытынна. Саха сириттэн 30 тахса спортсмен сүүрдэ. Уон бастыҥнар кэккэлэриэр Артур Бурцев уонна Надежда Бут киирдилэр.
Санатар буоллахха, Москубатааҕы марафоҥҥа икки сыл субуруччу. Сардана Трофимова кыайбыта. Бу сырыыга кини Катарга Аан дойду чемпионатыгар барар буолан манна кыттыбата. Инньэ гынан, Москубаттан Искандер Ядгаров (2 ч 18 мүн) уонна Омскай куораттан Марина Ковалева (2 ч 29 мүн) кыайыылааҕынан буоллулар. Сахалартан Уус-Алдантан төрүттээх Саха сирин уонна өрөспүүбүлүкэтээҕи спартакиада хас да төгүллээх чемпиона Артур Бурцев 10 км дистанцияҕа сэттис миэстэни ылла. Оттон 42 км дистанцияҕа Амма кыыһа Надежда Бут 2 ч 40 мүн көрдөрүүлээх ахсыс кэллэ.
ysia.ru
