Олунньу 26 күнүгэр Дьокуускай куоракка “Эллэй Боотур” дыбарыаска, кыһыҥҥы IV Спартакиада үөрүүлээх арыллыыта буолуоҕа. Бу туһунан “Спорт Якутии” хаһыат саайтыгар суруйаллар.
Спартакиада икки ый курдук үс куоратынан: Дьокуускайга, Нерюнгрига уонна Алдаҥҥа ыытыллыаҕа. Ол курдук олунньу ый бүтэһигиттэн муус устар ыйга диэри. Спартакиада бырагыраамматыгар хотугу многоборье, шорт-трек, хоккей, хайа хайыһара, сноуборд, биатлон о.д.а. киирдилэр. Олунньу 26 күнүттэн Дьокуускайга шорт-трекка уонна хотугу многоборьеҕа күрэхтэһии саҕаланар.
