Дьокуускайга ыытыллыбыт мас тардыһыыга Аан дойду чемпионатыгар, Кыргызстантан кэлбит түөрт спортсмен миэстэлэһэннэр, норуоттар икки ардыларынааҕы кылаастаах маастар буолары ситистилэр.
Бишкек куоракка мас тардыһыытыгар Кыргызстан чемпионата буолан ааста. Күрэхтэһии үөрүүлээх арыллыытыгар тустаах нормативтары толорбут спортсменнарга маастар бэлиэлэрин туттардылар.
Ол курдук Азамат Асанов, Атайбек улуу Келдибек, Азат Таштанбеков уонна Бекжан Омуралиев норуоттар икки ардыларынааҕы кылаастаах маастар нормативын толордулар. Ону таһынан, мас тардыһыытыгар Кыргызстан успуордун маастардарынан Назия Майлыбашева, Дильдоре Рахманова, Эмилю Мусуралиев, Кудайназар Алимов, Руслан улуу Чыныбек, Дилбаре Иманканова буоллулар. Ол курдук күрэхтэһиилэр түмүгүнэн Аан дойду уонна Азия чемпионатыгар Кыргызстан сүүмэрдэммит хамаандата быһаарыллыбыт.
