Арассыыйа спордун үтүөлээх маастара, 2012 сыллаах Паралимпийскай оонньуулар үрүҥ көмүс призера, Аан дойду икки төгүллээх чемпиона, Европа түөрт төгүллээх чемпиона Владимир Балынец уонна кини тренерэ Петр Давыдов, быраата Роман Устюжанин инбэлииттэр өрөспүүбүлүкэтээҕи техникумугар ыалдьыттаатылар.
Владимир Балынец техникум түмэлигэр Сочига буолбут Олимпиада арыллыытыгар туппут олимпийскай факелы, ону таһынан, онно кэппит таҥаһын бэлэхтээтэ. Оптуорунньукка Роман Дмитриев аатынан олимпийскай эрэл училищатыгар сылдьан, “Серебряная лань” статуэтканы бэлэхтээтэ. Бу статуэтканы ааспыт сыл түмүгүнэн дойду бастыҥ спортсмена быһыытынан ылбыта.
