Саха сирин 6 хаайыытын бэрэстэбиитэллэрэ онлайн эрэсииминэн саахымакка күрэхтэстилэр. Бу туһунан УФСИН пресс-сулууспата иһитиннэрэр.
Турнирга Уһук Илиҥҥэ баар хаайыыларга олорор дьон кытыннылар, күрэхтэһии саахымат аан дойдутааҕы күнүгэр туһуланна.
Саха сирин хаайыыларыгар саахыматы сөбүлээн оонньууллар. Кинилэргэ анаан анал куруһуок үлэлиир. Буруйдарын боруостуур дьон ол дойдуга олорон интеллектуальнай кыахтарын сайыннарарга бэртээхэй көмө буолар.
