Уһук Илини уонна Арктиканы сайыннарыы миниистирэ Алексей Чекунков салайар министиэристибэтэ "Азия оҕолоро" норуоттар икки ардыларынааҕы оонньуулары өйүүргэ бэлэмин биллэрбит. Бу туһунан оонньуулар дириэксийэлэрин бэрэсидьиэнэ Владимир Максимовтыын Москубаҕа көрсүһүү кэмигэр эппит.
Өрүттэр "Азия оҕолоро" оонньуулары салгыы сайыннарыы тула ирэ-хоро кэпсэппиттэр уонна VII сайыҥҥы оонньуулары Уһук Илин биир эрэгийиэнигэр ыытар туһунан дьүүллэспиттэр. Миниистир оонньуулары аан дойду таһымыгар тахсыбыт бастыҥ бырайыак буоларын билиммит уонна кэнэҕэһин оонньуулары тэрийиигэ министиэристибэ көмөлөһөр интэриэстээҕин эппит.
