Киир

Киир

Бу иннинэ күн-дьыл туругуттан сибээстээн көһөрүллүбүт Татарстаан өрөспүүбүлүкэтин олимпийскай эрэллэр оскуолатын истиэндэҕэ ытыыга бастааһын иһин күрэҕэ, элбэх санаа-толкуй кэнниттэн син биир ыытылларга быһаарыллыбыта. Бу күрэххэ саха спортсменнара эмиэ чаҕылхайдык кытыннылар.

Күрэхтэһии үгэс курдук хас да анал көрүҥнэринэн барда:

“Трап” көрүҥүнэн ытыыга үрүҥ көмүс мэтээлгэ Илья Семенов (Хаҥалас улууһа), боруонса мэтээл – Михаил Борисов (Чурапчы улууһа) тигистилэр.

«Скит» көрүҥҥэ пъедестал бочуоттаах үһүс таһымыгар Николай Бурцев (Уус-Алдан улууһа) таҕыста.

Уопсайа бу күрэххэ дойду араас эрэгийиэннэриттэн 36 ытааччы кытынна. Саха сириттэн 10 спортсмен дойду тэҥнээхтэрин кытта илин-кэлин түһүстүлэр.

Санатар эбит буоллахха, Казань куоракка сүүмэрдиир дьарыктарынан Саха сириттэн Аркадий Андреев бөлөҕө бэлэмнэнэ сылдьар. Муус устарга истиэндэбэй ытыыга Арассыыйаҕа бастааһыҥҥа, онтон салгыы бэс ыйыгар, от ыйыгар бастыҥ бэргэн ытааччылар Ыччат Спартакидатыгар көрсүөхтэрэ.

Тарҕат:

Санааҕын суруй

Бүтэһик сонуннар