Киир

Киир

Саха сиригэр хоруона хамсыгын балаһыанньата бэрдэ суох, тупсан иһэрэ иһиллибэт. Биир нэдиэлэ анараа өттүгэр хайдах этэй да, билигин да оннук турар. Өрө күөрэйбэтэр эрэ ханнык.

Бүгүн Ил Дархан Айсен Николаев өрөспүүбүлүкэтээҕи суһал ыстаап уочараттаах мунньаҕын ыытта. Кини буолаары турар бөдөҥ тэрээһиннэргэ болҕомтону уурда. Сотору кэминэн Өлүөхүмэҕэ Олоҥхо ыһыаҕа уонна Бэрдьигэстээххэ Манчаары Оонньуулара ыытыллаары тураллар. Ил Дархан Горнай улууһугар ыарыы аччаабатын, нэһилиэнньэ вакцинаны ылан испэтин тоһоҕолоото уонна бу хаалбыт күннэргэ балаһыанньа тупсубатаҕына, Роспотребнадзор салалтатын сүбэтинэн, оонньуулар ыытыллар халыыптара уларыйыан сөп. Маны таһынан мунньахха вакцинаны ылбыт гражданнарга биһириир миэрэлэри ылыыны дьүүллэспиттэр, Ил Дархан бу күннэргэ ону бигэргэтэргэ сорудахтаата. Ити туһунан Ил Дархан уонна бырабыыталыстыба дьаһалтатын пресс-сулууспата иһитиннэрэр.

 

Тарҕат:

Санааҕын суруй