Өрөспүүбүлүкэ сүрүн санитарнай бырааһа Маргарита Игнатьева бүгүн Ил Дархан аатыгар "Манчаары оонньууларыгар" сыһыаннаах этиилэрин ыыппыт.
Онно сурулларынан, өрөспүүбүлүкэҕэ хоруона хамсыгын тула балаһыанньа сытыырхайбытынан, итиэннэ Горнай улууһугар быһыыны ылыы бытаанынан (36 бырыһыан, Тааттаҕа — 21, Нерюнгрига — 22, Намҥа — 22, Үөһээ Бүлүүгэ — 22, Чурапчыга — 24), Мииринэйгэ, Алдаҥҥа, Горнайга, Эдьигээҥҥэ ыарыһах ахсаана улаата турарынан, маннык хааччахтары киллэрэргэ сүбэлээбит:
-"Манчаары оонньууларын" үөрүүлээх аһыллыытын, сабыллыытын, күрэхтэри көрөөччүтэ суох, дистанционнай ньыманнан ыытарга.
-Оонньуулар кэмнэригэр улуус үрдүнэн туох баар култуурунай-маассабай, саататар тэрээһиннэр (кэнсиэртэр, дискотекалар) бобуллаллар.
- Вакцинаны толору ылбатах уонна бүтэһик 6 ыйга хоруона хамсыгынан ыалдьыбыт, тэрээһиҥҥэ кэлэр дьону булгуччулаах мэдэссиинэ кэтээн көрүүтүгэр уонна 14 күҥҥэ изоляцияҕа ыытарга.
Сэҥээриилэр