Бүгүн брифинг кэмигэр Ольга Балабкина ""Манчаары оонньууларын" кыттыылаахтарын ортотугар хоруона хамсыгар хаптарбыттар бааллар", - диэн иһитиннэрбитэ.
Оонньуулары тэрийээччилэр биллэрбиттэринэн, Бэрдьигэстээххэ кэлбит кыттааччылар ортолоругар биир да ыалдьыбыт киһи булуллубатах. Кинилэри медиктэр аккредитация кэмигэр сыныйан бэрэбиэркэлииллэр, анаалыс ылаллар. Арай Дьокуускайтан турунуохтаах сүүмэрдэммит хамаанда икки чилиэниттэн, оонньууларга барыахтарын инниттэн анаалыстара "положительнай" диэн буолбут. Онон бу икки ыалдьыбыт киһи барбат, хамаанда кинилэрэ суох кыттыаҕа диэн эттилэр. Чопчу ханнык сүүмэрдэммит хамаанда буоларын эппэтилэр.
