Алмаастаах кыраай киин куоратыгар эт-сиин сайдарыгар анаан-минээн дьарыктанарга туох баар усулуобуйа талбыккыттан баар.
Икки бассыайын, «Триумф» стадион, «Кимберлит» дыбарыаска мини-футбол уонна баскетбол саалата, муус килиэ (каток), Заречнайга хайыhардыыр, сыыртан хатыыскалыыр сир, Чуоналыыр аартыгар - «Алмазная долина» трамплиннаах, подъемниктаах хайа хайыhардьыттарын Киинэ, урукку «Металлург» стадион оннугар спортивнай массыыналарга аналлаах автодром, «Икар» парашютистар кулууптара уо.д.а.
Хас биирдии оскуола спорт былаhааккалаах. Онон сүрэхтээх, баҕалаах эрэ буол, Мииринэйгэ спордунан дьарыктанар кыах толору баар. Билигин оскуолаларга уонна Мииринэй тэхиниичэскэй колледжыгар ГТО нуорматын туттарыы маассабай хабааннаах тэрээhиннэрэ бара тураллар.
Манна сүүрүү, ойуу, тардыныы, ханаатынан тахсыы, муостаттан анньыныы уо.д.а көрүҥнэргэ бэйэ кыаҕын тургутуохха сөп. Мантан сайын «Триумф» стадион сүүрүктэргэ уонна хаалыктаах хаамыынан дьарыктанааччыларга сарсыарда эрдэттэн аанын тэлэччи аhыа.
Пляж волейболун кэмэ чугаһыыр. Стадиоҥҥа кырачааннарга анаан батут, электрокардар үлэлиэхтэрэ. Эти-сиини тупсарар баҕалаахтарга тренажер арааһа баар. Бу тренажердарга дьарык буор-босхо. Онон бу күннэргэ «Триумф» стадиоҥҥа күн устата дьон тобус-толору. Куорат устун таах ускул-тэскил уулуссаны мээрэйдиир ыччат суох. Бары солото суохтар, бары – дьарыктаахтар.
Станислав Алексеев, Мииринэй куорат.
