Мас-рестлинг Норуоттар икки ардыларынааҕы федерациятын Кэнгириэһин мунньаҕар, мас-рестлинг IV Аан дойдутааҕы чөмпүйэнээтин чэрчитинэн, бу успуорт көрүҥүн сайыннарыы уонна салгыы өрө таһаарыы туһунан докумуоҥҥа илии баттанна.
«Саҥа олимпийскай таһымҥа тахсар туһуттан туһааннаах усулуобуйалар оҥоһуллуохтаахтар, каадырдар бэлэмнэниллиэхтээхтэр. Маны сэргэ, мас-рестлиҥҥа федерациялар тэриллиэхтээхтэр. Эбэн этэр буоллахха, Арассыыйа 50 тахса эрэгийиэнэ мас-рестлиҥҥа бэйэлэрин федерацияларын тэрийбиттэр», - диэн Норуоттар икки ардыларынааҕы мас-рестлинг федерациятын бэрэсидьиэнэ, сенатор Александр Акимов этэр.
Кини биллэрбитинэн, мас-рестлинг Академията тэриллэн эрэр эбит. Онуоха Федерация М.К. Аммосов аатынан ХИФУ-ты кытта тэҥҥэ үлэлэһии уонна каадырдары бэлэмниир туһунан сөбүлэҥҥэ илии баттаабыт.
«Эбии Чурапчытааҕы физическэй култуура уонна успуорт института биһиги спорстменнарбытын, тириэньэрдэрбитин номнуо бэлэмнии сылдьар. Хатылаан этэр буоллахха, мас-рестлинг олимпийскай оонньуу көрүҥүнэн буоларын туһугар норуоттар икки ардыларынааҕы таһымнаах кииннэри тэрийиэххэ наада. Онон, инникитини Норуоттар икки ардыларынааҕы мас-рестлинг киинэ уонна Академията арылларын көрөбүт», - диэн кини бэлиэтээн этэр.Сардана Кузьмина суруйуутуттан тылбаас.
Ааптар хаартыската
