Ираида Харбыыһыт Владислав Адасько «Азия оҕолоро» оонньууларга Саха сирин хамаандатыгар бастакы мэтээли аҕалла Кыым.ру телеграм-ханаалыгар ыҥырабыт Сэргэх сонуннар, толкуйдатар суруйуулар, санаа атастаһыыта Бөлөххө киир Владивосток куоракка «Азия оҕолоро» VII-с сайыҥҥы оонньуулар бастакы күрэхтэһэр күннэрэ буола турар. Саха сирин хамаандатыгар бастакы мэтээли харбыыһыт Владислав Адасько аҕалла. «Бүгүн харбааһыҥҥа Владислав Адасько Саха сирин усбуорунайыгар бастакы мэтээли аҕалла! Кини 200 м. көхсүнэн харбааһыҥҥа боруонса мэтээлин ылары ситистэ! Кинини ис сүрэхпиттэн эҕэрдэлиибин! Салгыы – өссө элбэх!» - диэн СӨ Ил Дархана Айсен Николаев телеграм-ханаалыгар суруйар. Дьокуускай куораттан сылдьар 10-с кылаас үөрэнээччитэ былырыын успуорт маастара буолар нуорманы толорбута. Кинини Виктория Гринь уонна Олег Лапшин дьарыктыыллар. Саха сирин харбыыһыттара бүгүн хас даҕаны дисциплинаҕа кыттыбыттара: сольнай истиил 100 м., вольнай истиил 800 м. – кыргыттар; 200 м. көхсүгэ; 200 м. баттерфляй уонна 4×100 эстафета. «Азия оҕолоро» VII-с сайыҥҥы оонньуулара от ыйын 27 күнүттэн атырдьах ыйын 7 күнүгэр диэри Владивосток куоракка ыытылла тураллар. Саха сирин хамаандатын успуорт 18 көрүҥэр 120 спортсмен кыттар Күрэхтэһиилэргэ 13 дойдуттан 1,5 тыһ. эдэр спортсмен кыттар. Уопсайа 19 көрүҥҥэ 273 мэтээл хаһаайыннара биллиэхтэрэ. Тарҕат: Кыым.ру социальнай ситимнэригэр киириҥ Сонун, хаартыска, видео, ыйытыы күүтэбит: +7 (914) 820-09-75 Сонун, хаартыска, видео, ыйытыы күүтэбит: +7 (914) 820-09-75 Telegram Вконтакте