Киир

Киир

Владивостокка ыытылла турар «Азия оҕолоро» оонньууларга, «Динамо» стадиоҥҥа чэпчэки атлетикаҕа финальнай күрэхтэһиилэр буоллулар. «Куобах» ыстаныыга Саха сирин спортсмена Даниил Володин рекорд олохтоон, муҥутуур кыайыылааҕынан буолла. Биллэринэн, бу иннинээҕи рекорду Дмитрий Дмитриев олохтообута.

Даниил Володин түмүгэ - 34,61 миэтэрэ. Оттон Дмитрий Дмитриев киэнэ 34,02 миэтэрэ этэ.

«Мин рекорду олохтуур соруктаах этим, оттон билигин киһи тылынан кыайан эппэт туругар сылдьабын. Мин бэйэм бэйэбиттэн олус үөрдүм», - диэн Даниил санаатын этэр. Онон, Даниил Саха сиригэр иккис кыһыл көмүс мэтээли аҕалла.

Санатар буоллахха, биһиэхэ бастакы кыһыл көмүһү 200 миэтэрэ дистанцияҕа сүүрбүт Аксинья Панова аҕалбыта.

Оҕолорбутугар салгыы ситиһиилэри баҕарыаҕыҥ!


Источник: ysia.ru

Тарҕат:

Санааҕын суруй

Бүтэһик сонуннар

Полина Гагарина