Киир

Киир

Марха микро-оройуонугар 6 тыһ. кв. миэтэрэ иэннээх физкультурнай-чэбдигирдэр комплекс тутуута салҕанарар. Манна бассейн уонна хаҥкылыыр муус (каток) баар буолуохтара. Бу эбийиэги 2022 сыл алтынньы ыйыгар олоххо киллэриэхтэрэ. Бүгүн тутуу хайдах бара турарын өрөспүүбүлүкэ премьера Андрей Тарасенко билсэ тиийэ сырытта.  

спорткомплес 2

 «Бу спортивнай комплекс олус улахан буолуоҕа. Манна араас хайысхалаах испэсэлиистэр, тириэньэрдэртэн саҕалаан муус катогу көрөр-истэр испэсэлиистэргэ тиийэ үлэһиттэр наада буолуохтара. Дьокуускайга биир муус катога баар, онно бэйэлэрэ анал үлэһиттэрдээхтэр. Оттон саҥа тутууга саҥа испэсэлиистэри булуох тустаахпыт. Бу боппуруоһу Успуорт министиэристибэтин уонна куорат дьаһалтатын кытта бииргэ быһаарыахпыт», - диэн Андрей Тарасенко этэр.  

2024 сыллаахха Дьокуускай куоракка буолуохтаах «Азия оҕолоро» VIII сайыҥҥы успуорт оонньууларыгар анаан саҥа элбэх функциялаах успуорт саалалара тутуллуохтара. Билигин куорат былаастарын кытта эбийиэктэри тутууга сир учаастактарын быһаарыы үлэтэ ыытыллар. СӨ Ил Дархана Айсен Николаев бэлиэтээн ааспытын курдук, бу Алдаҥҥа, Чульмаҥҥа уонна Дьокуускайга «Газпром» ПАО кытта сөбүлэҥинэн тутулла сылдьар үс успуорт комплекстарыттан биирдэстэринэн буолар.

Аныгы успуорт кииннэрэ оҕолор уонна улахан дьон успуордунан актыыбынайдык дьарыктаналларыгар, чөл олоҕу тутуһалларыгар көмө буолуохтара.

спорткомплекс 3

 

Тарҕат:

Санааҕын суруй

Бүтэһик сонуннар