Дьокуускайга Чочур Мырааҥҥа маҥнайгы өрөспүүбүлүкэтээҕи кросс-кантри диссипилиинэҕэ велоспорт күрэҕэ буолла. Күрэхтэһии үс бөлөҕүнэн ыытылынна: «Дьахталлар», «Эр дьон» уонна «Бэтэрээннэр». Барыта холбоон 34 спортсмен кыттыыны ылла.
Тэрээһин СӨ Успуорка уонна физическэй култуураҕа Министиэристибэтин уонна Ведосипеднай Хамсааһын өйөбүлүнэн ыытылынна. Эр дьоҥҥо 25 килэмиэтиргэ 18 саастарыттан 39-р диэри 15 киһи кытынна. Оттон 40 саастарыттан үөһээ саастаах «Бэтэрээннэр» бөлөх кыттааччылара уонна дьахталлар (18 саастарыттан 9 киһи) 18,6 килэмиэтир уһуҥҥа күрэхтэстилэр.
Эр дьоҥҥо муҥутуур кыайыылааҕынан Егор Васильев буолла, кини түмүгүн көрдөрүүтэ – 1 чаас 10 мүнүүтэ. Бэтэрээннэр икки ардыларыгар Валерий Кривошапкин 54 мүнүүтэ 33 сөкүүндэ айаннаан, бастакынан кэллэ. Дьахталларга кыайыылааҕынан Анна Кычкина буолла, кини көрдөрүүтэ – 1 чаас 10 мүнүүтэ 27 сөкүүндэ.
Василий Кривошапкин суруйуутуттан
