Киир

Киир

Бэҕэһээ, балаҕан ыйын 11 күнүгэр, «Өрөгөй» успуорт комплексыгар олимипйскай чөмпүйүөн Роман Дмитриев сырдык кэриэһигэр анаммыт бүтүн Арассыыйатааҕы күрэхтэһии түмүктэннэ. Манна Арассыыйа атын эрэгийиэннэриттэн уонна тас дойдулартан тустууктар кыттыыны ыллылар.

Күрэхтэһии иккис күнүгэр 61, 70, 79, 92 уонна 125 киилэ ыйааһыннаахтарга кыайыылаахтары быһаардылар. Маны таһынан, «Роман Дмитриев өйдөбүнньүгэ-2022» («Мемориал Романа Дмтриева-2022») күрэхтэһии бастыҥ тустууктарын анал ааттарынан наҕараадалаатылар.

Арассыыйа юниорскай хомуур хамаандатын үрдүкү тириэньэрэ Абдусалам Гадисов эппитинэн, Роман Дмитриев сырдык кэриэһигэр анаммыт күрэхтэһии үрдүк таһымнаахтык ааспыт. Кини 57 киилэ ыйааһыннаахтарга диэри киирсибит саха тустуугун Лев Павловы чорботон бэлиэтээтэ. Маны сэргэ, күрэхтэһии кэмигэр Дагестантан сылдьар Мустафагджи Малачдибиров (86 киилэҕэ диэри) уонна Воронежтан Егор Бельских (92 киилэҕэ диэри) үчүгэй көрдөрүүлээхтэр диэн тириэньэр бэлиэтиир.

Күрэхтэһии иккис күнүн түмүгэ
 

61 киилэ ыйааһыннаахтарга:

1 м. — Дамдин Цыренжапов (Бурятия);

2 м. — Борис Баршуев (Иркутскай);

3 м. — Айтал Громов уонна Валентин Бурнашев (Саха сирэ).

70 киилэ ыйааһыннаахтарга:

1 м. — Заурбек Бугулов (РСО-Алания);

2 м. — Ростислав Королев (Кемерово);

3 м. — Олег Фомин (Саха сирэ) уонна Игорь Упхоев (Бурятия).

79 киилэ ыйааһыннаахтарга:

1 м. — Арсений Джиоев (РСО-Алания);

2 м. — Аюр Жигжитов (Бурятия);

3 м. — Дмитрий Денисеня (Беларуссия) уонна Борис Гаврильев (Саха сирэ).

92 киилэ ыйааһыннаахтарга:

1 м. — Егор Бельских (Воронеж);

2 м. — Ислам Кильчуков (Москва);

3 м. — Аюр Нимаев (Бурятия) уонна Алан Плиев (РСО-Алания).

125 киилэ ыйааһыннаахтарга:

1 м. — Никита Горбунов (Воронеж);

2 м. — Даниил Иванов (Саха сирэ);

3 м. — Михаил Зинов (Кемерово).

Бары кыайыылаахтарга уонна миэстэлэспиттэргэ харчынан сэртипикээт биэрдилэр. Маҥнайгы миэстэ иһин 50 тыһ. солк., иккис миэстэҕэ – 30 тыһ. солк., үһүс миэстэҕэ – 15 тыһ. солк. Кыайыылаахтары бэлэмнээбит тириэньэрдэргэ 20 тыһ. солк. туттарылынна.

Түмүккэ, «Роман Дмитриев өйдөбүнньүгэ-2022» («Мемориал Романа Дмтриева-2022») күрэхтэһии бастыҥ тустууктарын анал ааттарынан наҕараадалаатылар. Ол курдук, бастыҥ тустуугунан Саха сириттэн Лев Павлов буолла. Оттон бастыҥ тиэхиникэни көрдөрүү иһин Чечняттан сылдьар Магомед Байтукаевка анал аат иҥэрдилэр. Кыайыыга дьулуурун иһин саха тустуугун Иван Потаповы наҕараадалаатылар. Оттон «Көрөөччүлэр биһирэбиллэрэ» бириис Саха сирин уолаттарыгар Олег Фомиҥҥа уонна Валентин Бурнашевка тигистэ.

IMG 7994IMG 8439IMG 8599IMG 8714 1IMG 8747 1 960x640

Тарҕат:

Санааҕын суруй

Бүтэһик сонуннар