Киир

Киир

Быйыл Туймаада ыһыаҕа үгэс курдук, киэҥ далааһыннаах, элбэх тэрээһиннээх буолара сабаҕаланар. Хаһан баҕарар буоларыныы, ыһыаҕы элбэх култуурунай, спортивнай бырагыраамалар, араас таһымнаах куонкурустар, ырыа түһүлгэлэрэ киэргэтиэхтэрэ.

Erid: 2SDnjdLZL3s

Бу тэрээһиннэр ортолоругар «Кымыс – Айыы аһа» диэн алтыс төгүлүн ыытыллар кымысчыттар бэстибээл куонкурустара ураты миэстэни ылыаҕа.
 
Ааспыт сыллааҕы бэстибээлгэ хаһааҥҥытааҕар да элбэх кыттааччы кыттыбыта. Барыта 15 хаһаайыстыба, олор истэригэр Хаҥаластан, Бүлүүттэн, Үөһээ Бүлүүттэн, Намтан, Амматтан, Сунтаартан, Мэҥэ Хаҥаластан, Тааттаттан, Горнайтан, Уус Алдантан уонна Дьокуускай куораттан бэйэтиттэн кэпэрэтииптэр, бааһынай хаһаайыстыбалар, агропрофилированнай оскуола кыттан бэстибээл географията кэҥээбитин көрдөрбүтэ.
 

фппапк 

Бэстибээли саҕаланыаҕыттан – Дьокуускай куорат дьаһалтата, онтон салгыы хаһыс да сылын “Туймаада” агрохолдинг тэрийэн ыытар. Бу тэрээһини, киһи үөрүөх, Благовещенскайтан «Амурагроцентр» хампаанньа успуонсардыыр. Биһиги төрүт аспыт сөргүтүллэн салгыы сайдарын туһугар атын эрэгийиэнтэн кэлэн көмөлөһөллөрө олус хайҕаллаах. Манна кэлэр өттүгэр бэйэбит хампаанньаларбыт кыттыһан төрүт аһылыкпытын оҥоруу сайдыа диэн эрэл күүстээх.
 
 

ААСПЫТ СЫЛЛААҔЫ БЭСТИБЭЭЛГЭ КИМНЭЭХ КЫАЙЫЫ КЫНАТТАНАН ДОЙДУЛАРЫГАР БАРБЫТТАРАЙ?

1-кы миэстэ – Хаҥалас улууһуттан «Улахан Алаас» – баһылык Лиханов М.П.
2-с миэстэ – «Бөртө сылгы собуота» ХЭТ – дириэктэр Павлов А.В.
3-с миэстэ – ИП Федоров В.И.

фаппк

ИТИНИ ТАҺЫНАН БЭСТИБЭЭЛГЭ АЛТА НОМИНАЦИЯҔА ХАҺААЙЫСТЫБАЛАР КҮРЭХТЭСПИТТЭРЭ

Быыстапка миэстэтин киэргэтии – «Кыһыл Кулаада» КФХ – баһылык Варламов П.И.
Оҥорон таһаарыы көрдөрүүтэ – ИП Турантаева М.П.
Кымыһы көөнньөрүү үгэстэрин тутуһуу – Үөһээ Бүлүү Балаҕаннаах орто оскуолата – дириэктэр Жендринскэй С.А.
Саамай уопуттаах кымысчыт – “Эйгэ Ил” КФХ – баһылык Васильев П.П.
Биэни түргэнник ыаһын – “Саха сүөһүтэ” СӨ СКТ – салайааччы Артемьев А.Е.
Эдэр кымысчыт – Охлопков С.К.
 

Бэстибээли ыытааччылар маны тэҥэ 20000 солк. кээмэйдээх өйүүр бириистэри олохтообуттар.

Бу бириистэр “Амма” СППК (Черноградскай А.А.), “Боччуо” ОСПКК (Васильев Г.К.), “Тоҕус” СПК (Сыромятникова В.И.), “Кымысчыт” КФХ (Стручкова Е.И.), “СӨ сылгыһыттарын холбоһуга” РОО (Слепцов В.С.) бэрилиннилэр.

Бэстибээлгэ элбэх ыалдьыт, ол иһигэр соҕурууттан элбэх учуонай, хампаанньа салайааччылара уонна бэрэстэбиитэллэрэ ыалдьыттаабыттара. Бэстибээл биир саамай муҥутуур чыпчаала өрөспүүбүлүкэ Ил Дархана А.С. Николаев кымысчыттар түһүлгэлэригэр сылдьан куонкурус кыттыылаахтарын үлэлэрин, кыһалҕаларын билсиитэ буолбута саарбаҕа суох.

фапккк

БЫЙЫЛГЫ БЭСТИБЭЭЛ ХАЙДАХ ЫЫТЫЛЛЫАЙ?

Билиҥҥи туругунан, бэстибээлгэ кыттарга сайабылыанньаны хомуйуу салҕанан барар. Билиҥҥитэ 10-тан тахса хаһаайыстыбаттан сайабылыанньа киирбит. Тэрийээччилэр этэллэринэн, кыттааччы өссө да элбиир чинчилээх.

Быйылгы бэстибээл бырагырааматынан, тэрээһини арыйыы сиэрэ-туома күнүс 14 чаастан ыытыллыаҕа.

Онтон куонкурустар 15:00 чаастан саҕаланыахтара. Онно «Кымыс көөнньөрүүтүн үгэстэрэ», «Быыстапка турар сирин киэргэтии», «Биэни ыаһын», «Кымыс бэлэмнээһини көрдөрүү» уонна «Эдэр кымысчыт» түһүмэхтэргэ күрэх тэриллиэҕэ.

«Кымыс кырдала» түһүлгэҕэ ыытыллар бэстибээл ыалдьыттарыгар анаан «Дьөһөгөй Айыы» бириистээх биктэриинэ ыытыллар.

Ити кэмҥэ «Ыһыах амтаннаах аһа» диэн кымыс эгэлгэтин амсайан көрүү, тэҥнээһин.

«Кымыс – Айыы аһа» бэстибээл түмүктэрин быһаарыы уонна кыайыылаахтары наҕараадалааһын.

Дьокуускай куорат олохтоохторо уонна ыалдьыттара! Бэс ыйын 29 күнүгэр ыытыллар “Туймаада ыһыаҕа-2024” биир саха итэҕэлин, үгэһин тилиннэриигэ, сөргүтүүгэ ураты миэстэни ылар «Кымыс – Айыы аһа» бэстибээл ыытыллар «Кымыс кырдала» түһүлгэҕэ кэлэн ыалдьыттаан, төрүт утахпытын амсайаргытыгар ыҥырабыт.

Реклама АО ФАПК «Туймаада» ИНН 1435332194