Норуот маастара, СӨ Духуобунаһын академига, Б. Ойуунускай аат. Судаарыстыбаннай бириэмийэ лауреата, култуура үтүөлээх үлэһитэ, “Азия оҕолоро” норуоттар икки ардыларынааҕы пуонда стипендиата, Таатта улууһун Ытык олохтооҕо Борис Федорович Неустроев-Мандар Уус үбүлүөйдээх 80 сааһынан АЛРОСА хампаанньа 2024 сыл сэтинньитигэр Накыынтан көстүбүт 51,39 карааттаах ювелирнай хаачыстыбалаах алмааска кини аатын иҥэрдэ.
Борис Федорович Нуестроев-Мандар Уус 1945 сыллаахха алтынньы 20 күнүгэр Алексеевскай оройуоҥҥа (билиҥҥитэ Таатта улууһа) Баайаҕа нэһилиэгэр төрөөбүтэ. Мэҥэ Хаҥалас улууһугар Төҥүлү орто оскуолатын бүтэрбитэ. 1969 сыллаахтан Баайаҕа орто оскуолатыгар физкультура учууталынан, онтон 2005 сыллаахтан дириэктэри инновация үлэтигэр солбуйааччынан үлэлээбитэ. “Мандар” устуудьуйа салайааччыта.
Мандар Уус А.Е. Кулаковскай “Ойуун түүлэ”, А.И. Кривошапкин “Еврозийский Союз” бөлүһүөктүү кинилэрин ойууларын оҥорбута. “Саха орнаменнара”, “Саха ойуута-мандара”, “Көмүс уустарыгар көмө” уонна да атын альбом-кинигэлэр, Баайаҕаҕа турбут Аҕа дойду Улуу сэриитигэр аналаах пааматынньыктар ааптардара. Кини салалтатынан Таатта Ытык Күөлүгэр уопсастыбаннай-култуурунай киин, Дьокуускайга “Арчы” духуобунай киин ис барааннара оҥоһуллубута. Кини бөлөһүөктүү көрүүлэрэ 2011 с. Таатта Баайаҕатыгар арыллыбыт “Мандар Уус” култуура уонна духуобунас киинин оҥорууга киирбиттэрэ. Кини үлэлэрэ үгүс улууска, өрөспүүбүлүкэ, бүтүн Араассыыйа таһымнаах быыстапкаларга тураллар. 2025 сыллаахха Дьокуускайга кини 80 сааһын бэлиэтиир тэрээһин киэҥ далааһыннаахтык ыытыллыбыта. Ол иһигэр саха үгэс буолбут ньыматынан оҥоһуллубут “Кыталык ырыата” диэн хомус быыстапката.
kyym.ru
