Мииринэй куоракка “Арассыыйа массыына оҥорооччуларын” Саха сиринээҕи салаата арылынна. Бэрэссэдээтэлинэн АЛРОСА генеральнай дириэктэрин солбуйааччыта – толоруулаах дириэктэрэ Сергей Павленко талылынна.
Сойуус Саха сиринээҕи салаата Арассыыйаҕа 78-с салаа буолла. Кини өрөспүүбүлүкэҕэ баар Арассыыйа хампаанньаларын массыынаны оҥоруу комплексын сайыннарарга түмүөхтээх, массыына оҥорооччулар да, сир баайын хостооччулар да интэриэстэрин холбоһон көмүскүүллэригэр тирэх буолуохтаах. Сойуус салаатын чугастааҕы былаана – Саха хампаанньалара уонна Массыына оҥорооччулар сойуустара бииргэ үлэлииллэрин ситиһии.
“Сойуус Саха сиринээҕи салаата сүрүн былааннаммыт үлэтин таһынан, Саха сиригэр “Турникета суох нэдиэлэ”, “Звезда” элбэх хайысхалаах инженерия олимпиада” курдук бүтүн Арассыыйатааҕы тэрээһиннэргэ, үтүө көҥүлүнэн хаан туттарыытын сайдыыта судаарыстыбаннай бырагыраамаҕа, о.д.а. кыттыаҕа”, – диэн Сергей Павленко кэпсээтэ.
Саха сиринээҕи салаа биир улахан болҕомтотун ыччаты уонна оскуола үөрэнээччилэрин кытта үлэҕэ ууруоҕа. Ол курдук, АЛРОСА Корпоративнай университета ыччакка анаан үөрэххэ сыһыаннаах тэрээһиннэри, “АЛРОСА-кылаас” корпоративнай базатыгар идэни билиһиннэрэр-сырдатар үлэни былааннаан олорор.
“Арассыыйа массыына оҥорооччуларын сойууһа” Бүтүн Арассыыйатааҕы уопсастыбаннай тэрилтэ 2007 сыллаахха төрүттэммитэ. 2025 сыллаахха кини 77 эрэгийиэҥҥэ баар салаалара бырамыысыланнай тэрилтэлэри өйүүртэн саҕалаан Арассыыйа субъектарыгар социальнай уонна гуманитарнай көҕүлээһиннэргэ тиийэ – барыта 7 600-тэн тахса араас тэрээһини иилээн-саҕалаан ыыппыта.
АЛРОСА пресс-службата
