Дьокуускай куоракка Арассыыйа күнэ киэҥ далааһыннаахтык бэлиэтэниэ. Ол курдук, бэс ыйын 12 күнүгэр киин куоракка, Арассыыйаҕа барытыгар курдук, “Арассыыйа триколора” аахсыйа буолуоҕа. Сүрүн дьоро тэрээһин Өрөспүүбүлүкэ болуоссатыгар ыытыллара былааннанар. Оттон Орджоникидзе болуоссатыгар “Славим тебя, Россия” уонна “Всегда на страже” кэнсиэрдэр буолуохтара.
Ити күн өссө “Сомоҕолоһуу сүрүүтэ” өрөспүүбүлүкэтээҕи полумарафон тэриллиэҕэ. Онон сибээстээн, сарсыарда 07:00 чаастан күнүс 16:00 чааска диэри Дьокуускай киин уулуссаларын сабыахтара, массыына айанын-сырыытын тохтотуохтара. Юрий Платонов аатынан Эстрада судаарыстыбаннай тыйаатырын иннигэр икки күн устата (12-13 чыыһылалар) “Үрүҥ түүн” гитара доҕуһуоллаах ырыа бэстибээлэ ыытыллыа.
Бэй.кэр.
Хаартыска: Эхо Столицы.
