Соторутааҕыта өрөспүүбүлүкэ таһыгар, атын дойдуларга олорор, быстах тиийэ сылдьар Саха сирин олохтоохторун түмэр “Biirge” социальнай сиэрбис сыһыарыыта iOS-ка таҕыста.
Бу күннээҕи туругунан, сиэрбискэ 1000-тан тахса киһи бэлиэтэммит. Аан дойду араас муннугуттан сыһыарыыны хачайдаан туруорааччы, киирэн бэлиэтэнээччи күннэтэ элбии турар.
Бырайыак ааптардара этэллэринэн, кэлин сыһыарыы өссө тупсан, кыаҕа улаатан иһиэхтээх. Бырайыагы айбыт хамаанда кэлин тиһэҕэр бу сиэрбис ханна олороруттан тутулуга суох Саха сириттэн төрүттээх дьон бэйэ-бэйэлэрин кытта алтыһар киэҥ далааһыннаах түһүлгэтэ буолуон баҕарар.
Бэй.кэр.
Хаартыска: аан ситимтэн.
