Хаҥалас улууһун II Малдьаҕарыгар 66 саастаах дьахтар сүттэ. Дьахтар Еленакаттан сир астыы диэн ойуурга тахсан баран, төннөн киирбэтэх, сибээһэ быстыбыт. Ол туһунан Саха сирин быыһыыр сулууспата иһитиннэрэр.
Дьахтар сүппүтүн туһунан атырдьах ыйын 12 күнүгэр нэһилиэк баһылыгы солбуйааччы иһитиннэрбит.
Барыллаан суруйалларынан, дьахтар дьиэтиттэн сарсыарда 8 чаас саҕана тахсан барбыт. Эбиэт кэмигэр ойууртан дьонугар эрийэ сылдьыбыт. Ол кэннэ төлөпүөнэ арахсан хаалбыт, дьиэтигэр эргиллибэтэх.
Билигин дьахтары аймахтара көрдүүллэр уонна Дьокуускайтан быыһааччылар айаннаабыттар.
Кыым.ру.
Хаартыска: Артем Геодакян/ТАСС.
