Үүммүт Саҥа 2022 сылынан итии-истиҥ эҕэрдэтэ тутуҥ!
Таҥарианство итэҕэлинэн сыллары уонна ыйдары Үөһээ Айыылары сэргэ сирдээҕи Айыылар эбэтэр Иччилэр кыттыһан салайаллар.
Ол курдук быйылгы 2022 сылы Одун Хаан уонна Ытык Чыыбыстаан бииргэ дьаһайыахтара.
Ытык Чыыбыстаан туруорсуутунан уонна быһаччы салалтатынан быйылгы сылга Тылга уонна Итэҕэлгэ улахан болҕомто ууруллуоҕа.
Оттон быйылгы саҥа сыл бастакы ыйын - Тохсунньуну Таҥха Хаан уонна Кыдай Бахсы салайаллар.
Бу ыйга сүлүүкүттэр тахсар кэмнэригэр сахалар таҥхалыыр үгэстээхпит.
Таҥарианство таҥхалааһыны утарбат. Ол гынан баран абааһылары, үөрдэри, хараҥа күүстэри ыҥыран, холобур, бүлүүһэ сүүрдэри, стрептизм о.д.а көрүҥнэри туһанары бопсор.
Билгэлээһини алгысчыттар уонна көрбүөччүлэр эрэ оҥоруохтаахтар.
Инникини билгэлээһиҥҥэ оло ҕуран дьон бэйэтин бу сылга олоҕун, үлэтин-хамнаһын былааннаныахтаах.
Үүммүт сыл барыгытыгар үтүө доруобуйаны, элбэх ситиһиилэри, күүстээх тапталы уонна дьолу-соргуну тосхойдун!
Аҕа Куккутун уһугуннаран түөрт Куккутун тэҥҥэ үлэлэтиҥ. Оччоҕо олоххут тосту уларыйыаҕа, үчүгэй диэки хайыһыаҕа, улахан ситиһиилээх, толору дьоллоох буолуоххут!
ТУСКУО!
