Быйыл 274 муниципальнай быыбар ыытыллыахтаах. Ол иһигэр 9 улуус, 18 куорат, бөһүөлэк, 170-ча нэһилиэк баһылыктара талыллыахтаахтар. 6 улуус, 31 нэһилиэк мунньахтарын дьокутааттарын быыбардара ыытыллыахтаахтар.
Быыбардар айдааннара муус устартан саҕаланаллар. Бүгүн хаһааҥҥытааҕар да норуот түмсүөхтээх, сомоҕоһуохтаах, санкциялартан көмүскэнэр дьаһаллары олоххо киллэрии саҕаланар кэмигэр, оттообокко-мастаабакка, ас-үөл оҥоруутугар үлэлээбэккэ быыбарынан ыһылла олорорбут төһө сөптөөҕүй? Сайыҥҥы кэммит кылгас, кураан кэлиэ диэн сабаҕалыыллар. Баһаардар хайдах буолуохтара биллибэт.
Онон билиҥҥи уустук балаһыанньаҕа быыбардары биир сыл тохтотуу туһунан кэпсэтиилэр сири-буору аннынан саҕаланан эрэллэр.
Онон, күндү Саха сирин олохтоохторо, быйылгы быыбары тохтотон эһиилгигэ көһөрөрү туох дии саныыгытый?
